My First Discoveries 英文探索小百科 第四輯 : 藝術與文化

#藝術感滿滿的圖書

#今次分享文用廣東話寫

平時有睇小腳先生一步步都知道我常常介紹藝術童書，好希望大家唔好覺得培養孩子的美感觸覺係高不可攀嘅事情。 #藝術在生活裏

#童眼看藝術

搵到一個鍾意音樂鍾意古文明歷史嘅人，就可以將箇中有趣之處同我哋分享。或者聽吓中文情境故事都一樣得！

#英文生字多到不得了 #如果沒有中文輔助真的不知怎算好

適合高幼至小學的孩子

一套六本，附有點讀配件

- 點讀小卡（中英文內容）

- 中文情景故事點讀貼紙

- 中文學習手冊（非點讀）

今次呢個系列必須要有呢一本中文譯本

連爸爸媽媽也會樂在其中的有聲書

由小朋友嘅角度介紹音樂藝術同埋去古文明國度探險

每個小朋友都有一段時期好鍾意探險！去森林又叫 “Adventure”, 砌積木Lego又要砌海盜船金字塔。

對於大人來講我哋可能會對呢一啲歷史略知一二，因為有唔同嘅荷里活電影外國嘅改編小說，小腳爸都總會聽過 米高安哲羅，聽過達文西密碼吧！

如果有一套圖文並茂而且膠片揭頁設計幾得意嘅有聲書，其實大人細路都會樂在其中。

涉獵的範圍雖然廣但精彩

Lost Treasure Torchlight 失落的寶藏古蹟（電筒膠片書）

一些出名的古蹟，失落的寶藏古代文明常常會出現在電影裏。除了尋寶的情節有趣刺激，呢一啲寶藏古蹟都可以讓我地解開古代嘅秘密。

今次可以好好了解一下，可以見到鐵達尼號沉船、秦始皇嘅陵墓古埃、龐貝古城、瑪雅文明、好著名嘅亞歷山大港燈塔⋯⋯

Music 音樂與樂器

鍾意小腳先生一步步製作嘅媽媽，一定會知道我哋好注重孩子的音感。用音樂開心有趣地輔助學習。而且大自然裏萬物皆有自己的聲音，同孩子一齊細心留意身邊嘅事物，一樹一木也是動人的樂章。

今次呢一本就有非常精美嘅設計描述。

從大自然嘅聲音、到了用水自製敲擊樂、不同的鋼琴弦樂、銅管樂、管弦樂團⋯⋯

像真而且非常精美的插畫，加上點讀筆嘅音效，令到小朋友可以對於古典音樂、傳統樂器、搖滾音樂、民族樂器甚至大自然的聲音都有一個有趣的啟蒙。

私心推薦這一款給比較年幼的孩子。

Vincent van Gogh 梵高

有時候買一本兩本嘅藝術繪本，同小朋友親子共讀。會知道了一些著名畫家嘅生平和名畫小故事。

今次嘅藝術與文明系列，可以話係一套小小嘅有聲百科全書。

本身我自己有一本梵高嘅非點讀版。

但係今次絕對係省下了好多搵參考書嘅時間。

平視我介紹唔同嘅藝術同書我都會將適合大人睇嘅藝術書睇一次做功課。

今次呢因為有中文情景故事，我只需聽就好了。

無論是梵高畫了一系列的自畫像。

每個人每一幅畫與梵高也是有着感情意義。

比起大家一年一度香港的梵高展覽，看過後可能「過目即忘」⋯⋯

但呢一本小小嘅書就蘊含咗好多名畫小故事。

仲係一個同兩個可愛小朋友一齊探索嘅故事。

（喜歡聽我講更多嘅可以睇吓我條YouTube片，因為每一次我講呢啲都會講好長）

Painting, The Louvre and The Pyramid

名畫、羅浮宮及金字塔

這三本我想混合起來跟大家分享。

又係我好鍾意嘅系列設計，互相有呼應嘅部份，深入淺出。令到呢幾個單元更加完整。

小腳先生最喜歡金字塔一本。

因為可以解答他無盡的疑問

金字塔的神奇其實好難用文字去表達俾年幼小朋友⋯⋯我去過美國英國嘅博物館，當去到埃及展館我自己不期然都會覺得有點毛骨悚然。

但．是．呢一本嘅切入點，用世界唔同高度嘅著名高樓大廈去對比金字塔的宏偉。

另一本「The Louvre 羅浮宮」亦呈現了現代金字塔，令到爸爸媽媽同小朋友可以做一個對比。

有關興建金字塔嘅故事，帶出了古埃及文明的信仰、法老王至高無上的地位與埃及古文明的睿智。

如何選址興建金字塔、在信仰裏需要獅身人面像去保護金字塔、興建金字塔需要如何採石、運送石塊堆砌最後興建好就磨平運送的道路。

那個花了20年興建的金字塔，載滿了伴隨法老王死後的製品，今次塔頂也會覆蓋了一層閃閃新輝的金銀。

最出名讀歷史一定會讀過的圖坦卡門陵墓與盜墓者，成為了小腳先生好多天馬行空無厘頭故事的靈感。

雖然呢一本同埋羅浮宮都有介紹木乃伊製造的方法過程，但係一啲都唔恐怖。加上小青小林嘅中文故事仲會有啲搞笑添！

羅浮宮當然就會同大家一齊睇吓入邊嘅展品同埋當中嘅有趣故事。小腳爸爸同埋小腳先生係會問一樣嘅問題，亦可以喺書入邊找到答案

「點解啲雕像唔着衫嘅？」

「點解佢甩咗隻手嘅？」

羅浮宮嘅歷史意義藝術價值都可以從書中知道。

但我覺得最重要，係我哋屋企嘅兩個男生，會覺得以後同我行藝術館都係一個有趣嘅節目

（咁套書就值回票價啦）